السلام عليكم
شاب راح لحكيم صيني وسأله: "إزاي أنجح في حياتي؟"
رد الحكيم: "أشعل حماسك تنجح في حياتك؟"
قاله: "مش فاهم!!!!".
راح الحكيم وجاء بوعاء ماء وقال للشاب: "حط راسك في المية!!".
حط الشاب راسه فمسك الحكيم راسه وضغطها جوة المية بقوة
في أول 30 ثانية كان الشاب مستكين سايب الحكيم يمسك راسه ويغرقها، بعد 45 ثانية بدأ يقاوم ويحاول يمسك إيد الحكيم برفق عشان يسيبه، وبعد دقيقة كان بدأ يتخنق من قلة الهواء فبدأ يقاوم بشراسة، وبعد دقيقة ونصف بدأ يقاوم باستــــــــــــــــــــــــــــــماتة إلى أن أخرج رأسه من الماء وهو ينهج بقوة.
قال له الحكيم: "دة رد سؤالك".
قال الشاب: "مفهمتش حاجة".
قاله: " في الأول مكنتش محتاج الهواء لأنه في صدرك فمكنتش بتقاوم، لما الهوا قل شوية بدأت تقاوم برفق، ولما الهواء قل أكتر زادت مقاومتك، بس لما الهواء نفذ من صدرك قاومت باستماتة لتحصل على ما تريد من هواء.
فالحاجة هي التي تشعل حماسك".
بعضكم هيقول يعني لازم نحرم نفسنا من كل شيء عشان نتحمس؟!!
هاقول له لا مش لازم.
لما تبص لحال المجتمع والمستوى اللى وصل له الناس هتعرف إنك لازم تعمل حاجة، لما نوصل إن فيه ناس مش قادرة تقاوم البرد اللى احنا فيه من قلة هدومه وانت محتار تلبس إيه النهاردة هتعرف انت لازم تعمل ايه بالظبط.
صدقونى لو بصينا للمجتمع نظرة موضوعية من غير نظرات ذاتية هتعرف إنك لازم تكون مشتعل الحماسة.
لما تدرك وتصدق إن المجتمع فعلاً محتاجك ومحتاج أي حاجة تقدر تقدمها، هتعرف انت لازم تكون ايه وتعمل ايه.
لما تعرف انت مين هتعرف انت بايدك ايه تقدمه.
بيتك محتاجك
شغلك محتاجك
اللى ماشي بيبصلك ونفسه يقولك انا مش معايا محتاجك
شارعك محتاجك
بلدك محتاجالك